आ.नितीन देशमुख यांची आज एसीबी चौकशी-कपड्यांची पिशवी सोबत घेऊन जाणे म्हणजेच सहानुभूती घेण्याचा देशमुख यांचा प्रयत्न..

D.k.mandve. 17 Jan 2023

बाळापुर : बायकोने ओवाळले तरीही नितीन देशमुख यांना अटक होण्याची भीती कायम सतावत आहे कारण एसीबीच्या काही अधिकारी यांनी यापूर्वी बाळापुर मध्ये येऊन नितीन देशमुख यांच्या भरपूर बेनामी संपत्तीची गुप्त चौकशी केलेली आहे हे नितीन देशमुख यांना ज्ञात आहे म्हणून त्यांना खात्री आहे की आपण भ्रष्टाचाराच्या आरोपाखाली एसीबीच्या कात्रीत चांगलेच सापडलो आहे म्हणून नितीन देशमुख पूर्व तयारी म्हणून आज सहानुभूती घेण्याकरिता शक्तिप्रदर्शन करीत असून सोबतच भरपूर कपडे घेऊनच एसीबी अमरावती येथे हजर होणार आहेत..

एकनाथ शिंदे यांनी शिवसेनेविरुद्ध बंड पुकारल्यानंतर नितीन देशमुख हे सुरतला गेले होते. सूरत येथील हॉटेलमध्ये काही दिवस त्यांचा मुक्काम होता. यादरम्यान त्यांची प्रकृती बिघडली होती. त्यामुळे नितीन देशमुख हे माघारी परतले होते. यानंतर नितीन देशमुख यांनी शिंदे गटाने आपल्या जबरदस्तीने सूरत येथील हॉटेलमध्ये डांबून ठेवल्याचा आरोप केला होता

अकोला: बेहिशेबी मालमत्ताप्रकरणी शिवसेनेच्या ठाकरे गटाचे अकोला जिल्ह्यातील बाळापूर मतदार संघाचे आमदार नितीन देशमुख हे आज अमरावतीच्या एसीबीच्या विभागीय कार्यालयात चौकशीसाठी हजर होणार आहेत. अमरावती विभागीय कार्यालयात म्हणजेच १७ जानेवारीला अमरावती इथे हजर होण्यासाठी नोटीस बजावली होती. नितीन देशमुख आजच्या चौकशीनिमित्ताने मोठं शक्तीप्रदर्शन करुन एसीबी कार्यालयाच्या दिशेने रवाना झाले. देशमुख यांनी सकाळी १० वाजता अकोल्यातील त्यांच्या कार्यालयातून अमरावतीकडे प्रयाण केले. अकोल्यातून जवळपास ७०० कार्यकर्ते देशमुखांसोबत अमरावती इथे रवाना झाले आहे. तर उर्वरित सर्व कार्यकर्ते दर्यापूर येथून देशमुख यांच्यासोबत अमरावतीकडे निघाले आहेत. अमरावतीतूनही जपळपास एक हजारापेक्षा जास्त कार्यकर्ते आमदार देशमुख यांच्यासोबत असतील. अमरावतीत आमदार नितीन देशमुख हे शिंदे गटावर काही आरोप नव्याने करण्याची शक्यता आहे. त्यांनी कथित तक्रारदाराचं आणि मुख्यमंत्र्यांच्या संभाषणाची ऑडिओ क्लीप आपल्याकडे असल्याचा दावा केला.

देशमुख अटक होण्याच्या शक्यतेने कपड्यांच्या पिशवीसोबत रवाना

अमरावतीच्या एसीबीच्या कार्यालयात आज चौकशीसाठी शिवसेना आमदार नितीन देशमुख हजर होणार आहे.आपल्याला अटक होईल ही शक्यता गृहीत धरून देशमुख घरातून बाहेर पडले आहेत. अटक झाल्यास गैरसोय नको म्हणून नितीन देशमुख यांनी कपड्यांची पिशवी सोबत घेतली आहे.
मला सुरतला नेण्यात आले, तेव्हा माझ्याकडे कपते नव्हते. मी गेलो होतो त्याच कपड्यांवर सुरतहून माघारी परतलो. आजदेखील मला अटक होण्याची शक्यता आहे. त्याच तयारीने मी निघालो आहे. सरकार हुकूमशाही पद्धतीने चालवले जात आहे. त्यामुळे आम्ही कोणत्याही कारवाईसाठी तयार आहोत, असे नितीन देशमुख यांनी सांगितले.

खुद्द देशमुखांनी दिली होती माहिती

शिवसेनेचे आमदार नितीन देशमुख यांच्याविरुद्ध अमरावतीच्या लाचलुचपत प्रतिबंधक विभागाच्या कार्यालयात तक्रार देण्यात आली. देशमुख यांच्याकडे कंपनी, कारखाने, यांसह अनेक शेत-जमिनी असल्याचा आरोप करीत अकोल्यातील एका व्यक्तीने अमरावतीच्या लाचलुचपत प्रतिबंधक विभागात तक्रार दिली आहे. नितीन देशमुख काही दिवसांपूर्वी म्हणाले होते की, माझ्याविरुद्ध तक्रार करणारा हा अकोल्यातील सराईत गुन्हेगार असून त्याच्यावर खंडणी, लुटमारी, ३२३, ३२६, ३०७ यासारखे अनेक गुन्हे दाखल आहेत. या तक्रारदाराला अकोल्यातील भूखंड माफिया, म्हणजे अकोल्याच्याच शिवसेनेच्या माजी आमदाराचा पाठिंबा आहे. याबरोबरच शिंदे गट आणि भारतीय जनता पार्टीचा देखील पाठिंबा असल्याचे देशमुख म्हणाले. दरम्यान, अमरावतीच्या एसीबीच्या काही लोकांनी बाळापूर परिसरात म्हणजेच देशमुख यांच्या मतदारसंघात पाहणी करून देशमुख यांच्या संदर्भात चौकशी केल्याचे समजते.

तक्रारदार अन् मुख्यमंत्र्यांच्या संभाषणाची ऑडिओ क्लिप

दरम्यान तक्रारकर्ता आणि मुख्यमंत्री एकनाथ शिंदे यांच्या संभाषणाची ऑडिओ क्लिप माझ्याकड़े आली आहे. एसीबीला तक्रारदार संदर्भात माहिती मागितली असून तक्रारदार तोच आहे असे निष्पन्न झाल्यास मुख्यमंत्री अन् त्या व्यक्तीची ऑडिओ क्लिप माध्यमांसमोर ठेवली जाईल, असेही देशमुख म्हणाले. हे सर्व माझ्याविरुद्ध षडयंत्र रचले जात असल्याचा आरोपही नितीन देशमुख यांनी केला.

भाजपच्या एकाही व्यक्तीवर ईडीची कारवाई नाही’

आतापर्यंत राज्यात ईडीकडून फक्त मराठी माणसांवर कारवाया झाल्या. अन्य लोक काय लोटे घेवून आले का? त्यांच्याकडे देखील अब्जो रुपयांच्या संपत्ती आहेत. दरम्यान, भाजपच्या लोकांनी आतापर्यंत अब्जावधी रुपयांच्या संपत्ती गोळा केल्या आहेत. जवळपास ३५०च्या वर लोकसभा खासदार भारतीय जनता पार्टीचे आहेत, १ हजारांवर त्यांचे आमदार आहे. परंतु यातील एकाही व्यक्तीवर आतापर्यंत इडी असो एसीबी असो, कारवाई झाली नाही. यांची किती संपती आहे. कुठून आणला यांनी एवढा पैसा? असा प्रश्न नितीन देशमुख यांनी उपस्थित केला आहे.