आमचं अकोट तेल्हारा पुरस्कृत “आम्हाला स्थानिक आमदार हवा” या उपक्रमाला भरभरून प्रतिसाद..मतदार संघाला विकासाची दिशा देणारा उपक्रम..

RaviRaj 31 July 2024

! आमचं अकोट तेल्हारा ! पुरस्कृत “आम्हाला स्थानिक आमदार हवा” या उपक्रमाला आकोट तेल्हारा मतदारसंघातील अनेक सर्वपक्षीय पदाधिकाऱ्यांची व कार्यकर्त्यांची उपस्थिती होती..

सोबतच अकोट विधानसभा मतदारसंघातील सर्व दिग्गज पत्रकारांची या विशेष उपक्रमातील चर्चासत्राला हजेरी लागली ..

यामध्ये पत्रकारांनी अकोट तेल्हारा विधानसभा मतदारसंघातील ज्वलंत प्रश्न उपस्थित करून मागील दहा वर्षातील प्रलंबित असलेले अतिशय महत्त्वाचे प्रश्न पुन्हा एकदा या चर्चासत्राच्या माध्यमातून ऐरणीवर आले..

यामध्ये अतिशय महत्त्वाची असलेली अकोट खांडवा रेल्वे , सुतगिरणी कामगार, रस्ते, शेतकऱ्यांच्या समस्या, अघोषित लोड शेडिंग,

नगरपालिकेची मनमानी, नवीन तहसील कार्यालया मध्ये सुविधांचा अभाव ,नवीन ग्रामीण रुग्णालयाचे उद्घाटन करूनही थंड बस्त्यात असणारे काम ..

विद्यमान आमदारामुळे अधिकाऱ्यांची वाढलेली हिंम्मत, सर्व कार्यालयातील अधिकाऱ्यांचा सुरू असलेला मनमानी कारभार अशा अनेक गंभीर विषयाला पत्रकारांनी हात घातला ..

म्हणूनच “आम्हाला स्थानिक आमदार हवा”या चळवळीची अत्यंत गरज असल्याचे मत अनेक पत्रकारांनी सुद्धा व्यक्त केले..

तसेच भाजपमधील मागील दहा वर्षापासून नाराज असलेले व विद्यमान आमदार प्रकाश भारसाकळे यांच्या हुकुमशहा कार्यपद्धतीला कंटाळून अनेक आजी-माजी पदाधिकाऱ्यांनी या चर्चासत्रामध्ये पुढाकार घेतला

व वरिष्ठांना विद्यमान आमदाराचा अकोट मतदार संघात खूप जास्त प्रमाणात अतिरेक होत आहे.. हा संदेश देण्याचा प्रयत्न या चर्चासत्रांमधून केला आहे..

तसेच 2014 पर्यंत अकोट तेल्हारा भाजप संघटन अतिशय मजबूत होते परंतु

आमदार प्रकाश भारसाकळे हे आमदार झाल्यापासून मागील दहा वर्षात पक्ष संघटन हे पूर्णपणे विखुरले गेले आहे

पक्षांतर्गत गटबाजीला प्रकाश भारसाकळे यांनी पूर्णपणे प्रोत्साहन दिले आहे

असा पदाधिकाऱ्यांचा आक्रोश “आम्हाला स्थानिक आमदार हवा”या उपक्रमांतर्गत झालेल्या चर्चासत्रात समोर आला

यामध्ये आयोजक कनक कोटक, भाजपचे राजेश पाचडे , डॉ.अरविंद लांडे, मधुकरराव बोडखे, जलील इनामदार, संतोष राऊत,

सुनील गिरी, नंदू लोखंडे, निलेश तिवारी, व उबाठा गटाचे राम प्रभू तराळे, सोबतच वंचित चे केशव बिलबिले यांचा सहभाग होता..

या कार्यक्रमाचे संचालन जया भारती व आशिष वानखडे यांनी केले व हा कार्यक्रम श्रीहरी हॉटेल अकोट येथे संपन्न झाला असून या कार्यक्रमाला विशेष सहकार्य लाभलेले

सामाजिक कार्यकर्ते रविराज मोरे यांनी ” आपलं आकोट तेल्हारा “ ही चळवळ अकोला जिल्ह्यातच नव्हे तर संपूर्ण महाराष्ट्रात खूप मोठ्या स्वरूपात उभी करणार असल्याचे मत व्यक्त केले आहे..