आसेगाव बाजार येथील शाळेच्या निकृष्ट दर्जाच्या बांधकामाच्या भ्रष्टाचाराची निष्पक्ष चौकशी होणार!- सरपंचासह सर्व सदस्यांच्या उपोषणाला यश..

Salim Khan 9 May 2023

अकोट तालुक्यातील आसेगाव बाजार हे जिल्हा परिषद सर्कल असून तालुक्यातील सर्वात मोठ्या लोकसंख्येचे व अनेक दिग्गज नेते असणारे गाव आहे अकोट तालुक्याचे राजकारण हे आसेगाव बाजार शिवाय अपूर्ण असते अशा या विकसित गावाचे सरपंच निलेश नारे व त्यांचे सहकारी यांच्यावर आज उपोषण करण्याची वेळ आली हे दुर्दैव आहे….

गावातील एकमेव असलेली महत्त्वपूर्ण जिल्हा परिषद प्राथमिक मराठी शाळा ही खूप शिकस्त अवस्थेत असल्यामुळे जिल्हा परिषद अकोला यांच्याकडून शाळेच्या बांधकामाकरिता 44 लक्ष रुपये निधी मंजूर केला नियमाप्रमाणे दोन वर्षांपूर्वी सदरचा कॉन्ट्रॅक्ट अकोट येथील बांधकाम व्यवसायिक अमोल गडम यांनी मिळवला परंतु बांधकाम करण्याची मुदत 2022 मध्येच संपली असल्याने अतिशय घाईघाईने सहा महिने उशिरा का होईना अमोल गडम यांनी बांधकाम पूर्ण केल्याचे बांधकाम अभियंता श्री भास्कर यांनी शिक्का मोर्तब केले व तात्काळ गडम यांचे शेवटचे बिल निविदा काढण्याची प्रक्रिया सुद्धा पूर्ण केली ही बाब सरपंच निलेश नारे व बाकी सर्व सदस्यांच्या लक्षात आल्यामुळे तात्काळ आज दि. 9 मे २०२३ च्या सकाळपासून शाळेसमोरच उपोषण सुरू केले.